PARA SANTIGWAR

(Ini tabi na istorya na ini,di kunta ini dini pwede sa blog ko,kaya lang may sayo ako na amigo na nag request sini.Kun baga sa sine parental guidance tabi ini he he he)


May mag-ina na kunadto sa para santigwar, kay bonotog an tiyan san daraga niya na bata.Sabi san para santigwar,YAYA KADTO NA BAKAL NA MUN-A SIN YELO DOON SA LUWAS KAY BASI MAARAMAN TA KUN NANO AN NAKA KARAW SOON NA BATA MO! Dalagan man an ina, bakal sin yelo sa tindahan nan ihatag sa para santigwar. Pira man sin kumuwa sin pitsel an para santigwar, halion an plastic san yelo nan ibuntog an yelo sa pitsel na may tubi.Sabi san para santigwar.TAOD TAODA LANG TABI NIYO KAY MADALI MAN LANG INI! Pakatapos sin mga sinko minutos, sabi san parasantigwar.ASI KANA DINI YAYA, IMODA INI NA YELO KAY IBA NA AN KORTE, SUGAD SOON AN NAKA KARAW SA BATA MO! ( kun diri tabi niyo nakuwa an patinawa, maghapot kamo sa mga teen agers na mahilig mag uyag sin basketball,kay nag-iinom sira sin mapinit na tubi pakatapos mag-uyag, inbubutang nira an yelo sa pitsel na may tubi, naiba an korte san yelo he he he )

AN PARA PISTA

May dowa na mag padi na para pistahonon,pirmi sira an una sa tulod.Niyan ka, sayo na pista na nakadtoan nira,lintigoyanan, bibo grabe an handa.Mala kay may-on pa sin tsokolate na inomon, Saka san gutomon na ini na sayo, pira man sin suropon an tsokolate( an tsokolate baga diri yoon nag-aaso maski mapasoon) di nadil-soan an ngala ngala sini na sayo.Nagkaluha sa paso, pero wara pag pahalata na nadilsoan siya.Nareparo san padihon, PADI NANO KAY NAGKALUHA KA? simbag man san padihon NADOMDOMAN KO AN NAKA-AGI AGI PADI.An boang na padihon gusto man madomdoman an naka agi -agi, pira man sin suropon an tsokolate!!! hapot man san sayo na padihon NEM PADI NANO AN NADOMDOMAN MO?an simbag san padihon NADOMDOMAN KO AN BU--------NINA MO! sabay suntok sa padihon, didto nagbatog an hiriran sa mga pistahan hehehehe

Tsinelas

Ini tabi na istorya na ini, too ini na nangyari saako.May-on ako sin padihon doon sa gubat na pormalon kun imodon,pero kun nakaraw,lintias grabe man ngay-an.Sayo kaadlaw,inagda kami san sayo man namo na padihon doon sa Tabi, kay malin an bertdey san ihada ko! Nano pa an asahan mo sa sugad soon na okasyon, kundi irinom baga, di mao? Hala na irinom, saka san gab-i na! Di pa uso sadto an mga tri-c na nagbibiyahe sa gab-i.Hapot ko sa padihon ko.Padi madolom na,nano baga an sakayan ta sini?Sabi san padihon ko, kay medyo kulanting na man liwat! Ayaw baya pag parahiro doon padi,ako an bahala.Payt otro kami, shot naman.Saka san in-imod o na gab-i a talaga, hapot otro ako sa padihon ko. Kun nano an sakayan mi.Simbag saako san padihon. Hala hamos na ngani kay siboton ka. Nano man an sakayan ta padi? hapot ko otro. Aram mo an simbag saako san padihon ko. Aw kay nag -ano yoon na TSINELAS mo! Bugi ni... baklay ngay-an.

Parasuli

May tolo na mag maradi na para tinda sin suli doon saato.Hapot san sayo na madi sa sayo.Madi nano an sikreto mo basi maka tubo ka man sin dako sa pagtinda sin suli?Simbag man san madihon.Aw an in-aayon ko lang sa suli ko an mga ulo san tinapa o bis-ang.Ikaw madi nano man an sikreto mo? Hapot uli sa ika dowa na madihon.Aw ako in hihigotan ko an bis-ang, nan pag tapos na ako mag suli, in kakanikan ko para sa mahonod naman na suli.( plebor lang ba)Bugi ni, ok yon madi ha! An ikatolo sige lang an bati. Nya ikaw madi nano man istrok mo basi tumubo ka dako? Simbag san ikatolo. Aw ako mga madi,an in-aayon ko lang sa suli ko an ANINO SAN BIS-ANG!

PADI

Sayo na semana santa,may nadistino na bag-o na kora paroko doon saato.Lintias binag-o an style san prusisyon.Intiro kuno na babayi,sunudon an rebulto ni santa maria,nan intero man na lalaki,sunudon man an rebulto ni san jose.Saka sin may sayo na grupo sin mga maluya an boot. (mga bakla) Di hinapot nira an padi. FATHER,FATHER PAN-O MAN KAMI? DIIN KAMI MABUNGYOD?Simbag man san padi,OK MGA KAPATID! FOLLOW ME!

AN PARABUSO

May mag-ama na parabuso doon sa may imbaldan.Sayo kagab-i,nagtututurog pa an bata,pinukaw na san ama kay mabuso na kuno sira,kay tu-ig kuno.Ini ngay-an na bata hali maki-inoman kaya medyo hobog pa,mala kay nabitbit pa ngani an somsomanan na fried chicken.Saka san napol-awan an torog,di dagos man tolos bungkaras si utoy.Pira man sin potoson an fried chicken sin plastic nan larga na an dowa.Pag-abot sa lawod, sabi san ama,nono payt na kay mao na ini an tuig busohan na lugar.Pira man san lumusad an bata sa tubig.Adaw kay an nasagrapan ngay-an san dowa,an kabatuhan,di hanggan tuhod lang an tubig.Buso man taoy an bata,bitbit an fried chicken na naka plastic,pag tongkahal banga banga man taoy an fried chicken.Sabay lawgaw sa ama.Papay imoda ini na nadale ko sa irarom kay fried chicken!Hapot man san ama.Diin yoon hali?Sa irarom papay,kay may pistahan niyan doon sa irarom.Saka san gusto man san ama makadale sin fried chicken,pira man sin dumayb una an ulo.Adaw di buka an agtang san ama pagtongkahal.Hapot man an bata.Papay nano kay napaknit yoon na agtang mo?Aram mo an simbag san ama? BULI NI APO NIYA NONO,TAPOS NA AN PISTAHAN,AN RAMBOLAN NA LANG AN INABUTAN KO! MALA KAY NATAMAAN AKO SAN RARABAKAN SIN BATO! Punalusot pa an hagolimas na ama.