An Parabanwit

Sayo na adlaw na mauran-uran (marululumlom pa ngani an kalangiton) may-on sin parabanwit na makusog an boot na bumanwit sa lawod. Tapok na siya san kaniya bigawnan (hulat hulat an pobre) Taod taod, tino-to sin kakusog an kaniya bigawnan,Pira man sin kanikanon san laki,pagluwas san tansi, an naimod tolos niya plastic na may sulod na gin.Nangalas an pobre, pira man sin tadihan an gin.(gin man nagayod)Tapok naman otro siya habang nag-iinom-inom san gin.Taod taod naman tino-to naman sin makusog, kanikan naman an laki.Plastic naman na may sulod na fried chicken,tinadihan naman niya.(fried chicken man nagayod)Sabi niya sa sadiri niya,pakadale ko niyan may gin na, may-on pa sin somsomanan.An hinimo niya pinatitig na lang an kaniya bigawnan, nan payt na lang si inom an laki.San medyo hobog na an laki,kinanikan naman niya an bigawnan.Lintigoyan magi-anon,pag-otwal san tansi naka-imod man otro siya sin plastic, pero an sulod na niyan papel.Pira man sin imodon niya kun nano yadto na papel.Di pa ngani niya nakakapotan an papel,may lunuwas na siokoy, bitbit an ballpen nan calculator.Sabi sa kaniya,mao tabi yoon an chit mo! Kun di ka mabayad, lumuson ta ikaw dini! bayad baga an laki.


KUN BAGA SA PAGKAON, STARTER PA LANG YOON, DAGHAN PA YOON NA MA-ABOT NA STARTER, BANTAYI NIYO AN MAIN COURSE! KAY PURO NAMAN KITA NIYAN SA MGA PARAPADAGAT......MALUYA MAN KUN ITULOD TA TOLOS INTERO,MAWARA-AN NA KAMO SOON SIN GANA!

An Taga Man-aw ( last part )

Inpara-isip sini na taga-Man-aw, kun nano kay kadaghanan na problema niya an pag-odo.San wara na mahimoan kunadto baga sa Emergency, nan naghapot sa doktor didto, an sabi man san doktor,bumuwelta ka buwas nan dumara ka sin imo odo kay eksamenon ta.Pagka-aga man nagayod bunalik an pobre may dara na na odo niya,lintigoyan, kay dinara intero an odo niya, sayo nagayod na bagol!Sabi san doktor, nakay dinara mo intero?diyo man lang an kaipohan ko soon,hala paghanap sin tapokan soon, ayaw dini sa hospital kay maraw-ay.Luwas man an laki, bitbit an sayo na bagol na odo.San naglalakaw na an pobre sa tinampo, naimod niya na daghanon an nag-arabot na tawo pakadto sa hospital,sa isip niya, basi maparaot naman ako sini kun harapoton naman ako kun nano naman ini na dara ko.Wara sabi sabi, pira man san baliktadon an bagol nan ingkodan,saging man sin may inhuhulat an itsura niya.Turutaghoy pan an laki nan inpuropikpik pa an bagol.Niyan ka sin umaragi na an katawohan, may sayo na hunapot.Padi nano yoon na in-iingkodan mo?Ini na sulod san bagol?Mao padi.Simbag man sini na taga-Man-aw. Periko na pito an kolor! nadakop ko kangina...Bugi bihira na niyan yoon ha, imodon ko daw.Sabi man san taga Man-aw, ayaw padi kay kun lumayog.Para imodon, pira man san garahoyon pa an iba na tawo,sabi san sayo,hali doon kay kami an bahala magdakop soon.Pira man sin tiriponan an bagol,sabi san medyo makusog an boot paghali ko san bagol, damhagan tolos niyo ha, sarabay kamo intero kay kun makalayog, sabi man san kadaghanan.Kadaghan ta dini, ambot kun makalayog pa yoon!Pagbilang ko tolo damhag tolos ha! Buhi na padi! Saka san halion na an taklob na bagol, daramhagan intero,buliniapo niya, nagkamoang baga sin odo intero.




Basi mataod-taod naman makabalik an taga Man-aw kay yadto nagpapapila pa sin kaniya bukol nan ludog,pero bantayi niyo an istorya san PARABANWIT kay makonswelo man.

An Taga Man-aw pt. 4

Sayo kaadalaw sinugo ini na pobre ni yaya coring pa sorsogon, may binakal ada na kun nano.San paoli na an pobre, bunati sin kaodoon, saka san sa sulod siya sin jb line, lintias di maaraman an himoon niya, san nagdadangadang na sira sa Abuyog, naimod san pobre an sign board, sa butnga baga yoon san tinampo.Bagaw sa sign board TO GUBAT nan TO BULAN. Lintias kadali baga pag para an pobre, nan sabay bosbos didto sa tungod san sign board.Di lintias siniyakan baga siya san mga tawo.Nano kay bonosbos ka doon?Simbag man san pobre KAY DIRI MAO INI AN TOBOLAN!!!!!

An Taga Man-aw pt. 3

Sa tig-awat awati,nakatoltol man gihapon an pobre mag gamit sin inodoro, pero an style niya maski an may flush na inodoro,inbubuhosan pa man gihapon niya sin tubig hali sa balde. Kaya nariparo siya san kamanghod niya,Sayo kaadlaw san siya nag bobosbos, nabati niya an sabi san kaniya kamanghod sa luwas san toilet.Brod pakatapos mo, i-flush mo lang yoon, di mo nakaipohan magbuhos sin sayo na balde na tubig, basta i-flush mo lang. An pagkabati man san pobre san FLUSH iba man. kundi malin baga an PLUS. Kaya san tapos na siya, pira man sin sumabi sin 1+ 1, hulat siya taod taod, wara man pagbababa an kaniya bosbos, payt naman siya 2+2 wara pa gihapon intero na ada na numero nasabi niya, pero mao man gihapon.Kaya nauyam a pobre, sabi sa sadiri niya, matiano kun I-MINUS ko, saka san pakasabi niya sa sadiri niya sin I- MINUS nadoonan niya an kapotan san flush.Di wuna-wa an tubig, wara na an kaniya bosbos.Pag luwas niya sa banyo, dagos tolos hanap kan brod niya.SABI MO BROD! PLUS! MINUS UGANG!!!!!!

An Taga Man-aw part 2

Di mao yadto,naka-oli na sa Man-aw an pobre.Pira pira kasemana naswertihan an pobre.Gunana sa supestik ( lotto). Lintiasan nakastagan nagayod niya an first prize, wara man siya kaaram-aram kun pan-o an pagkuwa san premyo,kaya an hinimo niya,unayo sin ayuda sa abogado.Sa madali na iristoryahan,nagpamanila an dowa.sabi san abogado sa kaniya dini ka mun-a mag-istar sa 5- star hotel kay maski sang taon ka dini mag-istar di mauubos an ginanahan mo.Bayaan ta mun-a ikaw padi kay may lakawon pa ako,sabi san abogado.Mao ako na an bahala dini simbag man san tag Man-aw.Wara hinimo an diyantre kundi kaon, turog kaon naman na. Saka san bumati naman sin kaodoon,sabi niya sa sadiri niya(di na ako mapabugbog saiyo,mapaloko!)Pira man san hubaon an medyas nan bosbosan,tapos nangalag-kalag kun diin niya itatapok,Saka san an bintana baga san mga hotel puro salming,an hona niya abrido,pira man san ibiyaw nan irabak an medyas na may odo.Di nagkawagas an odo sa salog,sa wall nan sa kisame.Sabi niya,kadaghan san sinti ko,di palimpiyahan sa housekeeping.Niyan ka san unabot na an housekeeping,sabi niya sa paralimpiya,tagan ta ikaw sin 1 million limpiyahan mo lang ini na kuwarto ko.Nangalag-kalag mun-a an paralimpiya, pakatapos inimod siya san paralimpiya,aram mo an sabi sa kaniya? DOBLEHON KO AN 1 MILLION MO,I-ISPLIKA MO SAAKO KUN PAN-O KA ONODO DOON SA KISAME!

An Taga Man-aw

Ini tabi na pakunswelo na ini, request ini san sayo na unagi dini sa blog nato.Diri ko sigurado kun mao ini an gusto niya sabihon,pero di bale kay medyo mahandab man ini sa pili he he he.Hala kay batogan ta na.

May taga Man-aw sadto na nagpa Manila,naki-istar siya kan brod niya.Sabi san kamanghod sa kaniya, brod bilin ka mun-a dini sa balay kay ma-opisina mun-a ako,bahala ka na doon.simbag man san kamanghod, ako an bahala dini brod (hambogon pa an simbag) san siya na hamok an tuda sa balay,bunati ada sin haritihit an tiyan(nagutom).Pira man sin lumuwas sa balay nan bumakal sin pandesal nan payt an kaon. San paoli na siya sa balay nira,bunati sin kaodoon, saka san anad lang siya bomosbos sa kaging-otan sa Man-aw, di niya maaraman an himoon kay wara man sin kaging-otan sa Manila.pira man san pumiliw sa kanto nan odoan an supot san pandesal ( an papel de hapon baga sadto an supot san mga pan,na an kolor ngani brown)Bitbit paoli san pobre an supot sin odo kay basi sa balay na lang niya itapok.Linti-as pagliko niya sa kanto,may-on sin mga nag-rarally manongod sa presyo san bugas.Kay nauso baga sadto an darayaan sa kilo.Sabi san lider san mga nagrarally,imoda niyo ini na tawo na ini kay kulang sini an timbang san bugas na binakal niya.pira man san kuwaon san nagrarally an supot niya nan ibutang sa timbangan.Sabi san lider, imoda niyo kay kulang ini sa sayo na kilo,san kawkawon an sulod kay in-imod kun nano na klase an bugas,lintian odo ngay-an.wara sabi sabi,sinurontok an taga Man-aw.(bugbog sirado siya)Uli sa balay an laki,pag-abot sa balay naghanap sin bobon kay malabar,saka sin wara maimod na bobon,an naimod an inodoro(malinawon baga an tubi sa inodoro,an huna niya mao yadto an bobon sa manila)Labar siya didto,lintian naramihan ada an tubi.Pag-ka-aga, uli siya sa Man-aw.Lintias hunambog pa pag-abot didto.Sabi didto sa Man-aw, ayaw na kamo pagpapa Manila kay kun an odo niyo diri mag-ongkilo, bugbog sirado kamo didto nan an tubi didto mapuropar-at. (diri man tabi ini totoo istorya lang pagtubodan, sus na tawo ka ha ha ha )



May sayo na pasahero na nag kakaodoon na sa bus, sabi niya DRIVER ODONGA MAN AN BUS KAY NAGKAKA-ODOON AKO! sabi man san driver HE! GUNI GUNI MO LANG YOON. san wara na paka tios an laki, pira man sin omodo sa solod san bus, di nangalimwag sin baho sa sulod san bus,sabi san driver KABAHOOO! SIN-O AN UNODO? sabi man san bonosbos, HE! GUNI GUNI MO LANG YOON!

SABI SAN SAYO NA UNAGI DINI SA BLOG TA! SADTO AN TRI-C AN INPAPAYPAY SAN TAWO,NIYAN AN TRI-C AN NAGPAPAYPAY SIN TAWO

MGA KASABIHAN SA GUBAT MANONGOD SA SELPON

AN SELPON MAY LOD...... AN KALDERO WARA SOLOD!

LATUBA DE AMOR

May-on sin unonlod na barko, may sayo na taga-Gubat na sakay na naswertihan na makasakay sa bote bote, kaoropod niya iba-iba na lahi.Saka san taod-taod nag-uunlod naman an bote.Sabi san sayo nira na kaopod,kaipohan ada magtapok kita sin kargada.Sabi san Hapon,wara problema,kadaghan sini saamo na mga computer nan mga nintendo.Wara sabi sabi binarabad san Hapon an mga gamit niya,taod-taod mao na naman nag-uunlod naman an bote, kaipohan mag-iban naman sin kargada.An Amerikano tinapok an mga arak niya nan sigarilyo mao man an iba na sakay tinapok an kanira mga kargada. Saka san torno na san taga-Gubat magtapok,wara man siya sin itarapok kay para nakisakay man lang ada an pobre.Nangalag-kalag mun-a, saka san maimod an Intsik na lunad, wara sabi sabi pira man sin alsahon an Intsik nan sumabi sin DAGHANON MAN SINI SAAMO sabay tapok sa dagat.



May-on sadto sin mga taga PSRC na naka-abot sa Gubat, ma-survey sira san mga tawo kun matiano man an Pepsodent,sayo man yoon na toothpaste san mga 80's,bago nira iluwas naghatag mun-a sira sin libre nan inhapot nira an mga tawo kun nano an epekto sa kanira.Pagbalik san mga taga PSRC sayo-sayo nira inhapot an mga hinatagan nira,an sabi san iba mayad man an sabi man san iba pareho man sa COLGATE. Saka pag-abot kan lola,hinapot nira kun nano man an epekto kaniya.Aram mo an simbag san gurang, DIPUTA YOON NA PEPSODENT NA YOON,MASAPNOT SA BUHOK!

Paharambogan san tolo na mag-paradi.

Sabi san sayo an balay san kaniya lolo dako-dako, mala kay sayo kaadlaw bago malibot an balay.Sabi man san sayo,wara yoon sa lolo ko,may tren sa sulod san balay nan mga awto.An ika-tolo nagbabati lang, saka san mauyam, sabi sa dowa an balay san lolo ko, pag sumulod ka, 30 anyos ka bago makaluwas.Nangalas an dowa!Sabi hain man yoon na balay san lolo, di diin pa kundi sa MUNTI!


May sayo na bata na naghapot kan ama niya kun nano an ingles san lapis.Sabi man san boang na ama, MONGOL,saka san sabihon sa maestra san bata, sabi san maestra, nono an ingles san lapis, pencil diri kay monggol. Oli an bata sabi kan pay niya, papay di man monggol an ingles,pencil ugaring.Aw wara mo man sabiha kun may tahar o wara!



Naimod san mga tsismosa na may mga nakahalyhay na kalson sa may bintana san padi sa kumbento,hinapot nira an padi kun kan kanay yadto na mga kalson.An simbag sa kanira san padi, Kay nano magahom an donasyon san simbahan sa pagkaon ko.AW NAGTATANGGAP NA AKO NIYAN SIN LABADA!

An Baho san Hubog

video by nairamenniet

Pakuronswelo

Ini tabi na mababasa niyo na mga patinawa puro ini hali doon saato, badi ngani an iba sini nabati na niyo…… kun kamo nagpapaburog sa plasa o kaya na naki-inoman basi narabasan na niyo ini. Bweno kay batogan ta na……puro lang tabi ini pakunswelo kun may-on man sin narabasan diri man tabi intotoyo, in-aayo ko an saiyo na pasensya.

AN PILI NAN KUYOG

May-on sadto sin magpadi na parabulangon doon kara balag, malin ngani an taga Naagtan yadto na dowa, an sayo sa magpadi, diri nagayod napipierdi kun nagbobolang, lintias pirmi gana. Kaya nangalas ini na sayo na padihon.Kun inhahapot man niya an sikreto kun nano kay diri napipierdi, diri man sa kaniya insasabi, sayo na Domingo san hali an dowa sa bulangan, sabi san sayo na padihon, padi matiano daw kun magdiyo-diyo kita kay pakul-awon ta ini na sambot ko,sabi man san sayo, ay lintian padi diri ako mahabo! San medyo intatamaan na an dowa san in-iinom na gin, hinapot san padihon niya an padihon kun nano an sikreto niya.kay hobog na, nadihanlas an dila san padihon, sinabi an sikreto sa padihon niya. Aram niyo kun nano?KUYOG Nangalas an padihon,sabi san padihon pan-o man nangyari? Sugad sini yoon padi, nagbakal ako kuyog na piso sa plasa, an sinupot na baga, niyan pag-ola-a ko sa mangko may-on pa sin sayo na buhay na kuyog, kaya nangalas ako, binutang ko sa garapon na may tubi, badaw payt baga an langoy san kuyog…… batog sadto bago ako magbolang inwiwirikan ko sin tubi na hali sa garapon na may kuyog an manok ko kaya di ako napipierdi.Aw mao, sabi san padihon.Otro Domingo bolang naman an dowa, an nakalaban niya na manok an sa padihon niya na sinabihan niya san sikreto niya, saka san binuhian na an manok, lintias primiro pa lang na siyapol, tinamaan tolos an manok niya, pierdi siya.Sabi niya, pan-o na nangyari, hinapot niya an padihon niya. Padi nano an hinimo kay napierdi mo ako?Simbag san padihon niya, magahom an kuyog sa PILI!!!Pinalangoy man angay-an an pili sa garapon ha ha ha ha.

MAYAMAN NAN POBRE

Nano an gahoy sa pobre na sige an pangatol? May kurekong!!! Kun mayaman, may allergy.An gahoy sa pobre na inboboang? Erhensya!! Kun mayaman, drug addict! Ha ha ha .

MOUNTAIN DEW

May taga uma sadto na nakadolhog sa bongto, sabi niya tadihan ko nagayod ini na Mountain dew.Pag-abot sa bongto bakal tolos sin Mountain dew, saka san igawgaw san tindera sa kaniya an bote san mountain dew, Sabi niya, aw paghona ko san Mountain dew sigarilyo, Cokes ngay-an.

MAPAN-OS NA LUTO

Sabi san padihon sa kaniya padihon, padi pan-o ka baga sini makaka-on sin mayad, pirmi mapan-os an luto namo.Aw diri yoon problema padi, nakakaon yoon na mapan-os na luto, aber pan-o man padi? Sapongon mo an irong mo, di ka maghangos pagtolon mo!!!

PA-MANILA

May –on sin soltero na mapa-manila, pag-abot sa gubat, hulat siya sin mga bus na mapa-Manila. Nag-abot ada an laki sa gubat, atab pa, mga alas dos sin hapon, lintianan gab-i na, yadto pa gihapon sa terminal an laki.. hinapot siya san sayo man didto na tambay.Pali makarin ka?Sabi niya,mapa-Manila! Gab-I na padi, nano kadaghan sadto na nag-aragi kangina na mga bus,wara ka nagayod pakasakay? Sabi man san laki, puro man yadto CUBAO-PASAY!!!!!!

Sadto nan Niyan

Nadomdoman ko san saragday pa kita pagdolom dolom dapat yadto na kita sa sulod san balay kay kun diri lapnitan ka ni pay mo, niyan saako naiimod pagdolomdolom mao pa lang nagkakaluwas ini na mga kabataan, lintian insisirigay na malin baga an mga siwo na natari … sadto pag pinangisgan ka ni may mo batia lang.. ayaw pagsisimbag kay kun di mo gusto na dumugo yoon na hiwa mo..niyan pangisgi an bata mo kay makaskas pa sa alas sinko kun sumimbag sin mag balagba. Pira ka kabeses sadto nakainom soon na mga coke o tsu-orange ( mao yoon an tama na pronounciation tabi san tru-orange san-o-na ha ha ha ) diri bilang sa guramoy mo? Niyan ini na mga bata na ini inlilimogmog lang san mga diyantre na ini…Mamay tagi man sin sinti kay ( di ka pa ngani nakatapos san sabihon mo ) sabi ni may saimo pira ko kabeses sasabihon saimo na wara kita sinti, niyan an mga surohayon na mga bata ayaw tagi sin sinti kay layasan ka...N adomdoman ko san –ona kun mapakaladkad ka sin tubi danggahan mun-a an iligotigot mo bago ka makapakaladkad kay nano? An mga mayaman lang san-ona an may shellane puro san-ona gatong, nya pan-o kay kun hulos an kahoy di nagdurolom an imod mo sin katatayhop? Bago maamak!

Sadto an tricy sa Gubat bilang sa guramoy mo niyan, diri daghan pa sa buhok mo, diri san nagbatogbatog kita sadto mag-inom an gin wara pa ngani sin sinko pesos an sayo? Niyan diri piso na lang (aw mayad kay bunarato ha) an bote pa lang yoon na wara sulod tabi ha ha ha. Sadto an uyag san mga bata taratsi-an dyorolenan, ereloyan, turubigan,trumpo nan kun minsan may-on man sin piriltikan nan kun nano nano pa, hain na yoon niyan na mga yoon? Wara naaaaaaaaaa… Kay nano? May-on sini na computer,,nintendo nan kun nano nano pa na mga kadadaghan, imoda kay kadaghanan san mga bata niyan may antipara,kay pan-o pirmi hampang doon sa computer! San-ona an libangan san mga tawo pag sabado nan domingo an pag deposito kara oga nan kara soya, SINE, irimod sine maski wara sin sinti…..aber niyan hain na an sinehan? Wara na kay malin intero na balay niyan may on sin telebesyon.. Sadto an isda in-aatado, niyan inkikilo na, may daya pa an kilohan he he he , An karne sadto nakatadi lang kami domingo, kay kun may sinti si papay na ibarakal, niyan maski oro-adlaw ka magkarne kay mas barato pa sa isda an presyo… an problema man soon kay nabentahon man an garter kara lagring kay mao ngay-an kuno yoon an bolong sa mga na-istrok dahil sa high blood( kay akay garter?) Aw inhihigotan na lang an tsinelas kay saog na baga soon an siki paglakaw ha ha ha.

Sabi san padihon ko sadto saako….mos kita padi sa uma kay basi makatadi kita sin linompan na native na manok… lintian baga pag-abot sa uma..ihaw man baga an tiyoon san padihon ko sin manok…sasabihon pa saimo pasensya na kamo nono kay wara kami pakadolhog niyan kaya manok na lang ini na suda niyo… Niyan kadto sa uma kay pasodaon ka na lang sin sardinas kay tinakwaw an manok ha ha Sadto magianon an pagbuhay doon saato, wara ka sin balatong pwede ka mag-ayo sa kararani niyo wara ka sin lobi,dahon kamote,kapayas o kun nano na mga nakatanom sa natad pwede ka mag-ayo. Niyan pwede pa man gihapon kaya lang hanggan dowa o tolo kabeses lang, kay an ika-opat, Nano baga an sasabihon saimo? Pagtanom mannnn!!!! Kun may mga project san-ona insusurat lang sa kamot..o indrodrowing lang, maswerte ka kun namakinilya an project mo. Niyan intero na hali sa computer.. kaswerte san mga bata niyan kaya lang di naman nira naabutan an mga kalinawan san dagat nato nan kadianisan san ato mga kadlagan san-ona. Daghanon pa tabi an iyo mababasa dini kaya lang kunolog na an ako kamot ko sin kadodokdok sini na computer, Sa mahonod naman,pagtaga-taguba lang niyo ini na blogspot ko kay basi madomdoman man niyo an saato naka-agi agi. Sa niyan salamoton na daghan sa iyo pag-agi.

Diyos mabalos saato intero!